“Beteja për kthimin e sovranitetit në PD”/ Berisha njofton lëvizjen e radhës

Ish-kryeministri Sali Berisha ka njoftuar lëvizjen e radhës në betejën për ç’ka e cilësuar si “rikthimi i sovranitetit në Partinë Demokratike”.

“Të dashur miq, Ditën e Enjte me datë 16 shtator ora 18:00, në Hotel Rogner, nisim ciklin e ‘Foltores për një Parti Demokratike më të bashkuar, më të forte dhe me të hapur’”, shkruan Berisha në një postim në rrjetet sociale.

Ai sqaron se foltorja do të jetë një bashkëbisedim me demokratë dhe demokrate që nis në Tiranë dhe do udhëtojë në mbarë vendin.

LEXO EDHE  Itali, zbardhet ngjarja tragjike ku humbi jetën fëmija i mitur, nëna në gjendje të rëndë psikologjike

“Jeni të mirëpritur”, është ftesa me të cilën mbyllet reagimi i ish-kryeministrit.

Ish-kryeministri Sali Berisha u përjashtua nga grupi parlamentar demokrat nga Lulzim Basha, në një vendim që lideri i PD-së e cilësoi “personal”. Përjashtimi, sqaroi Basha, erdhi pas vendimit të DASH që e shpalli Berishën “non grata”.

Berisha e kundërshtoi vendimin e Bashës, e akuzoi atë për bashkëpunim me kryeministrin Edi Rama dhe u zotua se do të punojë për “rikthimin e sovranitetit në Partinë Demokratike”.