VIDEO/ Rriti çmimin e miellit, “Miell Tirana” ‘ofron bonus’ mizat

Përveçse dyshohet se ne bashkëpunim me kompani të tjera ka kryer një marrëveshje të ndaluar, “Miell Tirana” po denoncohet se po hedh në treg produkte të rrezikshme për konsumatorët.

Në një video të publikuar nga “JOQ” shihet një paketim mielli me mbishkrimin “Miell Tirana”, i cili duket larg një produkti normal. Nga pamjet, shihet që mielli është i mbushur me miza.

Kompania “Miell Tirana” dyshohet po ashtu për një marrëveshje të ndaluar me ligj për rritjen e çmimit të miellit, me kompani të tjera të prodhimit. Përmes një njoftimi zyrtar disa ditë më parë , Autoriteti i Konkurrencës bëri me dije se “ka konstatuar sjelljen e bashkërenduar midis ndërmarrjeve Agro Blend SHPK, Miell Tirana SHA, Bloja SHA, Atlas SHA dhe Atlas Mills SHPK, në tregun e importit të grurit, importit, prodhimit dhe tregtimit të miellit, pasi këto ndërmarrje kanë bashkërenduar sjelljen, duke caktuar çmimet e shitjes dhe duke kontrolluar prodhimin në tregun e miellit për shkak të integrimit vertikal”. Sipas vendimit, kjo sjellje përbën shkelje të ligjit “Për mbrojtjen e konkurrencës”.

LEXO EDHE  Kundër korrupsionit dhe pastrimit të parave, policia zvicerane dhe ajo e Kosovës operacion të përbashkët

Lexo edhe:

Rritja e çmimit të miellit, Konkurrenca: “Agro Blend”, “Miell Tirana”, “Bloja”, “Atlas” dhe “Atlas Mills” kanë shkelur ligjin