“Mos na bëj bërr bërr këtu, lere eksperiencën tënde ti, mos na trego këtu…”, kështu iu drejtua kreu demokrat, Lulzim Basha, kryetarit të Grupit Parlamentar të PS-së, Taulant Balla, në seancën parlamentare.
Debati nisi lidhur me numrin e numrin e deputetëve në Komisionet Parlamentare.
Balla kërkoi shtyrjen e miratimit të vendimit për shkak se sipas tij, nuk ruhej proporcionaliteti mes mazhorancës dhe opozitës.
“Ne na takon shumica e anëtarëve në Komisionet Parlamentare, ndërkohë që me propozimet që ka bërë PD rezulton se ajo ka po aq anëtarë sa ne”, tha Balla.
Ky reagim ka ardhur pasi Sekretaria e Kuvendit kishte harruar që të përfshinte në Komisione deputetët e LSI, çka u ngrit si shqetësim nga Petrit Vasili.
“Ne nuk jemi njoftuar, besoj na takojnë vendet në Komisione”, tha Vasili, kërkesë që u konsiderua e drejtë nga Kryeparlamentarja Lindita Nikolli dhe kreu i deputetëve socialistë, taulant Balla, por edhe ai i PD-së, Alfred Rushaj.
Gjithsesi me shumicë votash, Kuvendi vendosi që të shtyjë për në seancat e ardhshme përbërjen e Komisioneve, duke miratuar vetëm drejtuesit e tyre. Kjo bëri që opozita të braktisë seancën, ndërsa kreu demokrat Lulzim Basha duke iu drejtuar Nikollës tha: “kështu është kur zgjidhet një manekine si ju në krye të Parlamentit, e nisni me shkelje të Rregullores. Shkelët Kushtetutën, ku e gjeni ju forcën që t´a shkelni. Po merrni urdhëra nga dikush që s´duhet të ishte fare në këtë sallë”.
Debati Basha-Balla
Balla: Unë do ju kërkoja miqësisht që emocionet t’i linim jashtë kësaj salle.
Basha: Dërr dërr, mbyll atë procedurë.
Balla: S’kam emocione fare. Kam eksperiencë…
Basha: Mos na bëj dërr dërr…
