Basha e përjashton nga Grupi, Berisha vetë-deklarohet si pjesë e deputetëve të PD

Ish-Kryeministri Sali Berisha në formularin e vetëdeklarimit në Kuvend, lidhur me përkatësinë në grupet parlamentare, ka deklaruar se i përket Partisë Demokratike.

Ndërkohë, Lulzim Basha, kryetar i PD, ka deklaruar përjashtimin e Berishës nga Grupi Parlamentar, vendim ky që ka ndezur debatet dhe përplasjet në partinë më të madhe të opozitës.

Por përtej zhvillimeve të pritshme në këtë parti, çështja që shtrohet është se kush prevalon: formulari i vetë-deklarimit të deputetit, apo vendimi i marrë nga Kryetari i partisë për t´a përjashtuar nga Grupi Parlamentar.

Deri më sot në Kuvendin e Shqipërisë ka pasur disa raste përjashtimesh deputetësh nga grupet parlamentare, por vendimet janë pranuar nga të përjashtuarit, gjë që nuk ndodh në rastin e Sali Berishës. Ish-Kryeministri ka pohuar publikisht se nuk njeh vendimin e Bashës, sikundër ka deklaruar se i përket vetëm Grupit Parlamentar të PD. Gjithashtu në formular është vetë-deklaruar si pjesë e Grupit Parlamentar të PD, edhe pse zyrtarisht në Grupin e PD, emri i tij nuk përfshihet.

LEXO EDHE  Rama largohet nga Kuvendi, PD kërkon ndërprerjen e seancës: Të vijë këtu ose...

Madje nga 59 mandatet që morën në zgjedhjet e 25 prillit, demokratët kanë në grup vetëm 44 deputetë, pasi 14 u përdorën për të formuar një grupim parlamentar që do të drejtohet nga Fatmir Mediu dhe tjetri nga Mesila Doda.

Sipas asaj që Basha ka vendosur, Berisha është deputet i pavarur, por në formularin e vetë-deklarimit ai është deklaruar si pjesë e Grupit të PD.