Milani do të luajë një ndeshje të vështirë nesër përballë Lacion e cila ka treguar këtë kampionat se janë një skuadër kompakte dhe sulmuese nën udhëheqjen e Sarrit.
Në prag të sfidës së nesërme, Stefano Pioli analizoi Milanin duke folur për mungesat, Ibrën dhe dha një koment për rinovimin e Kesi.
Mungesat?
Vjen një kohë kur do të luhen shumë dhe do të më pëlqente të kisha të gjithë skuadrën në dispozicion. Kruniç nuk do të jetë në dispozicion, ashtu si Zhiru i cili ka dy javë që nk stërvitet me ne. Do të shohim në vazhdim për ta.
Si janë Ibrahimoviç dhe Kesi?
Ata po bëjnë mirë, ata kanë punuar vazhdimisht duke marrë pjesë në seanca strvitore dhe ndeshje kontrolli: do të jenë në dispozicion për Lacion. Zlatan e di shumë mirë se cilat janë kushtet e tij, 4 muaj larg fushave janë shumë. Ai punoi shumë për t’u rikuperuar nga dëmtimi dhe do të duhet të menaxhohet, por marrëdhënia mes nesh është e qartë dhe shpresoj se ai mund të luajë sa më shumë që të jetë e mundur. Nesër ai nuk do të ketë 90 minuta, por një segment të ndeshjes me siguri.
Rreth rinovimit të Kesi.
Uroj që Kesi të nënshkruajë, por bëhet fjalë për klubin dhe agjentin e tij. Tani nuk është koha për t’u shqetësuar. Me të flas vetëm për fushën dhe e shoh të motivuar, të qetë dhe të fokusuar.
Tonali bëri dy paraqitje të mira me Italinë U-21, a është e rëndësishme që ai është udhëheqës i “azzurrini”?
Sandro është një lojtar i kompletuar, ai ka aftësi teknike dhe fizike dhe është nën sytë e të gjitha përmirësimeve që ka. Ai duhet të vazhdojë kështu, si të tjerët, edhe Tonali e di që këtu ka konkurrencë të madhe.
A keni një skuadër të përballeni ne Serinë A në nivele të larta ashtu si dhe ne Ligën e Kampionëve?
Absolutisht po. Mesias është akoma pak prapa, ai nuk do të jetë me ne në ndeshjet e ardhshme. Bakajoko është gjithashtu pak prapa, shpresoj që së shpejti t’i kem në gjendje perfekte për të pasur më shumë zgjedhje.
Milan-Lacio: çfarë mund të presim?
Në letër një lojë spektakolare, të dy skuadrat krijojnë mundësi dhe duan të mbajnë topin në lojë. Lacio është shumë e fortë, kombinon teknikën, taktikat dhe fizikalitetin dhe luajnë shumë fort. Ne jemi mirë, duam të vazhdojmë të fitojmë. Do të jetë një ndeshje emocionuese.
Një opinion për Sarrin.
Trajneri i nivelit të lartë, ai ka fituar si në Itali ashtu edhe jashtë saj, por nuk është një ndeshje Pioli-Sarri, dy skuadra do të përballen me njëra-tjetrën që kanë shumë mundësi sulmuese.
Lacio i ngjashëm me Liverpulin: një ndeshje që mund të japë referenca edhe për në Ligën e Kampionëve?
Të gjitha skuadrat vështirë se mund të krahasohen. Vetëm një shembull: Lacio ka një referencë, Imobilen, Liverpuli jo, duke pasur parasysh që Firminjo ndryshon shumë. Le të mendojmë para së gjithash për ndeshjen e nesërme.
Çfarë dëshironi të shihni nga Milani i vitit të kaluar dhe çfarë më shumë?
Për më shumë se gjysmën e sezonit kishim një paraqitje shumë të vazhdueshme, atëherë cilësia ra pak për të qenë në gjendje të mendonim për fitimin e titullit. Ne duhet të tregojmë se e kuptuam mësimin dhe kemi më shumë vazhdimësi. Pres një kampionat të ekuilibruar, diferenca nuk do të jetë vetëm në ndeshjet kokë më kokë, por duke bërë sa më shumë pikë të jetë e mundur në krahasim me ekipet e tjera.
