Policia e Beratit ka arrestuar një 37-vjeçar pasi akuzohet për armëmbajtje pa leje.
Burimet policore bëjnë me dije se është arrestuar shtetasi Kleandro Korçari, 37 vjeç, banues në Uznovë, pasi gjatë kontrollit të ushtruar në banesën e tij, u gjetën dhe sekuestruan në cilësinë e provës materiale një armë zjarri automatik dhe 43 fishekë luftarakë.
Njoftimi i policisë:
Goditet brenda javës, rasti i dytë i armëmbajtjes pa leje në qarkun e Beratit.
Vijojn kontrollet nga Policia për kapjen e personave që posedojnë armë zjarri.
Kapet dhe arrestohet në flagrancë një 37-vjeçar që posedonte armë zjarri.
Sekuestrohet një armë zjarri automatik dhe 43 fishekë luftarakë.
Shërbimet e Komisariatit të Policisë Berat, në vijim të punës për rritjen e parametrave të sigurisë, si rezultat i kontrolleve intensive për kapjen e personave që posedojnë armë zjarri apo sende të kundërligjshme, bazuar dhe në informacionet e marra në rrugë operative, gjatë kontrollit të ushtruar në banesën e shtetasit Kleandro Korçari, 37 vjeç, banues në Uznovë, Berat gjetën dhe sekuestruan në cilësinë e provës materiale një armë zjarri automatik dhe 43 fishekë.
Në përfundim të veprimeve të para hetimore, specialistët për Hetimin e Krimit në Komisariatin e Policisë Berat arrestuan në flagrancë shtetasin Kleandro Korçari, për veprën penale “Armëmbajtja pa leje”.
Materialet i kaluan Prokurorisë së Rrethit Gjyqësor Berat, për veprime të mëtejshme.
