“Magnet” për bandat kriminale/ Cristiano Ronaldo dhe familja e tij mbrohen 24 orë me truproja pas transferimit te United

Marrë nga "Instagram"

Cristiano Ronaldo, pasi u paralajmërua se do të bëhet një “magnet” për bandat kriminale, po ndërmerr hapa për të rritur masivisht sigurinë e tij. Ai ka regjistruar shërbimet e një ekipi të truprojave me qendër në Mançesterit, të cilët kanë për detyrë të mbrojnë atë dhe familjen e tij 24/7.

Një burim tha se: “Cristiano është paralajmëruar se që kur u largua nga Manchesteri në vitin 2009, rajoni është bërë një magnet absolut për bandat kriminale. Tani ai do të shihet si objektivi i tyre numër një.

Këto banda të pamëshirshme po bëhen gjithnjë e më të dhunshme. Ata plaçkitin shtëpitë dhe terrorizojnë familjet e lojtarëve. Ata synojnë pronat kur e dinë që lojtarët nuk do të jenë atje dhe shpesh shikojnë një shtëpi për javë të tëra para se të hyjnë.

Cristiano nuk ka ndërmend të ndërmarrë ndonjë rrezik, kështu që një ekip është tashmë në vend për t’u siguruar që sapo ai dhe familja e tij të arrijnë në Mançester ata do të mbrohen”.

Ronaldo po qëndron në një pronë me qira të rregulluar nga United. Megjithatë ish-ylli i Real Madridit pritet të blejë një shtëpi të re në zonën e “Trekëndëshit të Artë” në Wilmslow, Alderley Edge dhe Prestbury, e cila është shtëpia e multi-milionerëve përfshirë futbollistë nga Manchester United, Liverpool dhe Manchester City.

LEXO EDHE  Hermes Nikaj tregon të vërtetën e arrestimit: Isha në hotel më një mik dhe një vajzë