Portugalia zhgënjeu në debutimin e saj në “Botërorin 2026”. Barazimi 1-1 me DR Congo në ndeshjen e parë të Grupit K përshtjelloi atmosferën te luzitanët dhe pritshmëritë për Cristiano Ronaldo, i vendosur në qendër të kritikave.
CR7 dhe shokët e tij kthehen sërish në fushë për sfidën e dytë në finalet e Kupës së Botës kundër Uzbekistanit.
Kombëtarja portugeze nuk mund të gabojë dhe kjo e rrit presionin, por duke parë nivelin e rivalëve kjo ndeshje mund të jetë ajo e revanshit për Portugalinë dhe mbi të gjitha për Cristiano Ronaldo.
Parashikimet janë të gjitha për luzitanët, ndërsa pritet që edhe sulmuesi 41 vjeçar të gjejë golin e parë në këtë Botëror.
Pavarësisht kritikave dhe zërave të shumtë që kërkojnë spostimin e CR7 në pankinë, trajneri Roberto Martinez do t’i besojë sërish atij nga minuta e parë, por me një tjetër rol.
Paraqitja si qendërsulmues në sfidën kundër Congo ishte e pamjaftueshme, ndërsa sulmuesi pritet të kthehet në abitatin e tij të preferuar, në krahun e majtë të sulmit.
Kjo lëvizje sjell një ndryshim total në emra dhe vendosje taktike të skuadra portugeze. Në krahun e sulmit, Ronaldo pritet të marrë vendin e Pedro Neto, ndërsa në qendër kandidat për një vend titullari është Goncalo Ramos.
