Rritet çmimi i bukës/ Qytetarët: Është rritur me 20 lekë, dhe është zvogëluar pesha

Produktet e miellit po kushtojnë më shtrenjtë në xhepat e qytetarëve si pasojë e rritjes së çmimit të miellit në treg. Furrat në Tiranë po i shesin artikujt e tyre me 5 deri në 20 lekë më shumë ndërkohë që ata që nuk kanë ndryshuar çmimin, kanë ulur peshën e bukës. Tregtarët thonë se kjo situatë vjen nga prodhimi i ulët i grurit në vend dhe rritja e çmimit me 600 lekë për KV në tregun ndërkombëtar.

Ndryshimi i çmimit të bukës në shumicën e furrave në kryeqytet pranohet nga qytetarët të cilët shprehin shqetësim për këtë situatë.

Sipas tyre ndryshimi i çmimit të produkteve të furrave ka një ndikim në kostot e përditshme duke shtrenjtuar jetesën.

“Po ka ndryshuar me 1 lekë më tepër. Ndikon se nuk është vetëm buka, 1 lekë është po nga dy bukë në ditë…”

“Ka shkuar buka 1 mijë lekë të vjetra.”-shprehen qytetarët.

Në këtë situatë, duket se ka nisur edhe abuzimi pasi disa furra, sipas qytetarëve nuk kanë ndryshuar çmimin, por peshën e bukës.

LEXO EDHE  Makina përplas biçikletën në Lezhë, një i plagosur

Madhësia po çmimi ai është, pasha. Ndikon se nëse do merrje 1 tani do marrësh 1:30”.

“Një kile bukë që thonë këta është 1 kilogramë nuk është në asnjë mënyrë. Aty mund të jetë 50-70 gramë.”- shprehen qytetarët

Çmimet kanë ndryshuar edhe te disa produkte të tjera të konsumit të përditshëm.

“Edhe qumështi, edhe kosi 1 lekë më tepër. Në krahasim me një vit më parë ka ndryshuar të gjitha. Mollet, portokalle, makaronat, sheqeri, edhe mielli.”

Tregtarët e miellit thonë se shkak për këtë situatë është mungesa e grurit në tregun vendas dhe atë ndërkombëtar. Sipas tyre kjo situatë mund të ndryshojë vetëm nëse nxitet prodhimi vendas që për këtë vit është reduktuar ndjeshëm në vetëm një muaj./Oranews/