Nënkryetari i LSI, Petrit Vasili, përmes një postimi në rrjetet sociale, thekson se mbi pandeminë mund të fitohet, por duhet profesionalizëm.
Vasili shprehet se vendet si Shqipëria, me popullsi të vogël dhe me levizje shumë më të kufizuara në numra, krahasuar me vendet shumëmilionesh, kanë shanse dhe mundësi mjaft më të mëdha për ta fituar më shpejt dhe me dëme shumë më të pakta betejën me Pandeminë.
Sipas tij, arsyeja e cfilitjes së shqiptarëve me Pandeminë është administrimi politik dhe progandistik në vend të menaxhimit profesional dhe shkencor.
“Sot e kësaj dite testimi është në nivel të ulet thuajse tre herë më i pakët se Kosova, a mund të tolerohet kjo?
Testimi i ulët do të thotë mosnjohje e situatës dhe çdo masë e marrë do të ishte një veprim në tym dhe i pashenjestruar epidemiologjikisht.
Testimi i pakët reflekton një realitet të pavertetë, shifra jo reale, kurba epidemiologjike rezulton e deformuar dhe pa kuptim e për pasojë gjithshka zhvillohet në kaos dhe me pasoja të rënda”, shkruan Vasili.
Postimi nga Petrit Vasili
A mund të fitohet mbi Pandeminë?
Përgjigja është: Absolutisht PO!
Vendet si Shqipëria, me popullsi të vogël dhe me levizje shumë më të kufizuara në numra, krahasuar me vendet shumëmilionesh, kanë shanse dhe mundësi mjaft më të mëdha për ta fituar më shpejt dhe me dëme shumë më të pakta betejën me Pandeminë.
Arsyeja e cfilitjes së shqiptarëve me Pandeminë është administrimi politik dhe progandistik në vend të menaxhimit profesional dhe shkencor.
Sot e kesaj dite testimi është në nivel të ulet thuajse tre herë më i pakët se Kosova, a mund të tolerohet kjo?
Testimi i ulet do të thotë mosnjohje e situatës dhe çdo masë e marrë do të ishte një veprim në tym dhe i pashenjestruar epidemiologjikisht.
Testimi i pakët reflekton një realitet të pavertetë, shifra jo reale, kurba epidemiologjike rezulton e deformuar dhe pa kuptim e për pasojë gjithshka zhvillohet në kaos dhe me pasoja të rënda.
Testimi i pakët është thjesht burimi i një mjerimi propagandistik qeveritar, që dëmton veprimin anti Pandemi dhe ç’mobilizon qytetarët dhe i shpërqëndron ata duke rrezikuar jetën dhe shendetin.
Gjurmimi shumë i cunguar dhe spontan, trajtimi i varfër nga pikpamja medikamentoze dhe teknologjike dhe financimi shumë i ulët dhe shumë larg nevojave të përditshme të Pandemisë përbëjnë pengesa shumë serioze për një dalje të mundshme nga Pandemia
Shtete si Holanda,Danimarka dhe Anglia po shkojnë bindshëm drejt mbylljes së pandemisë dhe kthimit në normalitet.
Edhe Shqipëria me një menaxhim rrënjësisht ndryshe mund ta arrijë shumë shpejt të dale nga Pandemia, në të kundërt situata do të zgjasë shumë dhe pasojat akoma më shumë.
Ka disa momente kyç që të trajtuara profesionalisht bën që Pandemia të mposhtet dhe Shqiperia ti kthehet normalitetit që janë:
1.Rikonceptimi në themel i strategjisë lidhur me variantin delta sepse strategjia me përzierje vaksinash të certifikuara dhe me të tjera me efekt tepër të pasigurtë dhe butaforia me orën policore janë handicap serioz për përbalkimin e situatës.
2.Vazhdimi i testimeve masive është i një dobie ekstreme në këtë situate të re të përballjes me variantin Delta.
3.Testimi, gjurmimi, izolimi dhe trajtimi jane hapa kruciale veçanërisht në këtë moment te ri duke izoluar në mënyrë efektive rastet aktive dhe duke monitoruar rreptë këtë izolim. Nënvleftësimi dhe lënia pas dore i këtyre katër hapave nga qeveria, ka çmobilizuar sistemin shendetesor dhe ka nxjerrë situatën nga kontrolli.
4.Ndjekje preferenciale të rasteve të reja, por që janë pjesë e grupeve të riskuara si dhe monitorimi i rasteve të suspektuara për Covid mes këtyre grupeve.
5.Vaksinimi me vaksina të certifikuara nga EMA dhe FDA Amerikane i të gjithë personave që akoma nuk kanë kaluar COVID-in si edhe personave të vaksinuar me CoronaVac duke administruar se paku një dozë prej vaksinave të mësipërme.
6.Vendosja perdorimit të maskave cilësore mjeksore në trasportin publik por edhe në ambiente të mbyllura.
7.Heqjen dorë menjëherë nga improvizimet në mënyrën e rifillimit të shkollës në ambientet shkollore duke hartuar një strategji të qartë, efektive dhe të monitoruar në një situate kur është vërtetuar katërcipërisht që edhe femijët preken nga Covid si edhe mund ta trasmetojnë atë
8.Hartimi i parashikimit strategjik për vendosjen në kohë të masave e kufizimeve të arsyeshme, larg butaforive të mëparshme të orës policore e të tjera masa absurde, duke përdorur modele kufizimesh të provuara europiane, që kanë rol pozitiv në kufizimin dhe parandalimin e përhapjes së Covid.
19.Rritja i kapaciteteve spitalore dhe përforcimi teknologjik i spitaleve për përballimin e Covid.
10.Përdorimi i protokolleve ndërkombetare të mjekimit dhe sigurimit të barnave dhe plotesuesve reanimatorë të këtyre protokolleve.
