Dy persona janë plagosur mbrëmjen e kësaj të dielë në Pire. Mediat greke bëjnë me dije se dy shtetas turq, janë plagosur nga një person, i cili u largua me shpejtësi nga vendngjarja.
Të dy burrat ishin ulur në një stol duke debatuar ashpër me njëri-tjetrin, kur autori iu afrua qetësisht dhe hapi zjarr ndaj tyre në një vend plot me njerëz. Të plagosurit u dërguan menjëherë në spitalin e Atticas, ku edhe ndodhen jashtë rrezikut për jetën.
Incidenti ndodhi para banorëve të tjerë të zonës, madje edhe fëmijëve, por fatmirësisht askush nuk ka mbetur i lënduar nga ngjarja.
