Në Kosovë, situata epidemiologjike vazhdon të jetë e rënduar.
Këtë të Diel, janë regjistruar edhe 24 viktima të reja nga koronavirusi i ri. Që nga fillimi i pandemisë, në mars të 2020-ës, deri më 5 shtator janë shënuar 2,605 viktima në Kosovë.
Në raportin ditor të Ministrisë së Shëndetësisë bëhet e ditur se pozitivë me koronavirus kanë dalë edhe 890 qytetarë, nga 10.614 testime.
Të shëruar janë edhe 1.712 qytetarë, ndërsa raste aktive 26.688.
Të Dielën, është shënuar rritje e rasteve të pacientëve në kujdes intenziv për shkak të COVID-19. Të shtunën ishin raportuar 73 pacientë ndërsa sot (5 shtator) ky numër është rritur në 87. Pacientë me koronavirus në spitale janë të shtruar 1.101.
Deri më 5 shtator, janë injektuar mbi 922.623 vaksina kundër koronavirusit. Në total, 307.467 qytetarë janë vaksinuar me nga dy doza.
