“Shpik skena se është e dro*uar”/ Akuza se torturoi bashkëjetuesen, arrestohet shqiptari

Një 40-vjeçar shqiptar, banues në Bolzano, u arrestua nga policia italiane pasi akuzohet për torturë ndaj bashkëjetueses së tij.

Mediat italiane raportojnë se bashkëjetuesja ka denoncuar dhunën e vazhdueshme ndaj saj, ndërsa shqiptari është mbrojtur me pretendimin se ajo është e droguar dhe shpik skena.

Mediat raportojnë se shkak lidhur me ngjarjen duket xhelozia mes çiftit.

Ngjarja më e rëndë që çoi shqiptarin në pranga dyshohet se ka ndodhur 10 ditë më parë, ku pretendohet se gruaja u lidh në një karrige dhe u torturua për dy orë, me një thikë të drejtuar disa herë në gjoks.

LEXO EDHE  VIDEO/ Kozaku i rrëfen të gjitha pas pengmarrjes: Më lëshuan në pyll, më pyetën "A do lekë"

Ai i preu lëkurën me thikë duke i lënë shenja që me shumë mundësi do t’i mbesin për gjatë gjithë jetës.

40-vjeçari e kishte shoqëruar gruan në spital, por ajo u kishte thënë mjekëve se kishte rënë nga biçikleta. Megjithatë hetimet kishin filluar dhe gruaja më pas u kishte shpjeguar hetuesve se ajo ishte në të vërtetë viktima e keqtrajtimit të partnerit të saj, i cili më pas u arrestua.