Nedim Bajrami titullar ndaj Hungarisë, ja si pritet të rreshtohet Shqipëria

Shqipëria do të luajë e “sakatuar” ndaj Hungarisë. Jo vetëm nga katër golat e pësuar me Poloninë, por edhe për mungesat e lojtarëve të formacionit. Reja duhet t’i bëjë llogaritë pa Hysajn, Baren dhe Manajn, mirëpo për herë të parë Shqipëria do të ketë në dispozicion fantazistin e Serisë A, Nedim Bajramin.

Për Nedim Bajramin, tashmë është mundësia që ai të debutojë me Kombëtaren për sfidën ndaj Hungarisë. Bajrami është bashkuar me përfaqësuesen dhe ditën e djeshme ka bërë stërvitjen e parë si futbollist i Shqipërisë.

Krahas energjive të shpenzuara në Poloni, trajneri Reja duhet t’i bëjë llogaritë edhe me mungesat. Pritet që për Hysajn, Doka ose Roshi të jenë alternativat në të djathtë.

Ndërsa për Manajn, Uzuni është kandidati kryesor për të qenë përkrah Cikalleshit. Megjithatë, edhe Broja vjen me një formë të shkëlqyer.

LEXO EDHE  Europa League/ Ozil hesht Gjermaninë, kalon në avantazh Fenerbahcen ndaj Frankfurtit

Për Baren, duket se zëvendësuesi do të jetë më se ideal: debutuesi Nedim bajrami, por me ndryshimin që të luajë në skemën 3-4-1-2 në rolin e fantazistit pas dy sulmuesve.

Prapavija mund të ketë një balotazh të vetëm që do të diskutohet mundësia për të aktivizuar edhe portierin Strakosha.

Ndërkaq, treshja e qendrës pritet të konfirmohet me Gjimshitin, Kumbullën dhe Ismajlin, që do të duhet të reagojnë ndryshe nga paraqitja me Poloninë.

Nga krahët, Trashi në të majtë është thuajse i vetëm, por ndoshta trajneri zgjedh edhe aktivizimin e Uzunit majtas dhe Brojës në sulm me Cikalleshin.

Formacioni i mundshëm i Shqipërisë:

3-4-1-2: Berisha (Strakosha), Ismajli, Kumbulla, Gjimshiti, Doka, Gjasula, Abrashi, Trashi, Bajrami, Cikalleshi, Broja