Në prag të nisjes së kampionatit, titullari i Tiranës infektohet me Covid-19

Portieri i Tiranës, Visar Bekaj është infektuar me Covid-19 duke u larguar kështu nga grumbullimi me Kosovën për dy sfidat e radhës ndaj Greqisë dhe Spanjës.

Lajmi u bë i ditur nga vetë menaxheri i përfaqësueses kosovare, Bajram Shala i cili në konferencën për shtyp para ndeshjes me Greqinë dha lajmin e infektimit me virus të gardianit 24-vjeçar.

LEXO EDHE  Coman rikthehet në stërvitje

Bekaj është larguar nga grumbullimi duke u izoluar nga pjesa tjetër e skuadrës e cila vijon përgatitjet për sfidën e nesërme. Ky është dhe një lajm i keq për Tiranën e cila humbet titullarin një javë para startit të kampionatit.