Mbrojtësi i majtë i Vllaznisë, Darko Bulatovic është dëmtuar në seancën e fundit stërvitore dhe nuk ishte pjesë e kuqebluve në fitoren që ekipi mori 9-0 në miqësore me Besën në “Loro Boriçi”. Mëngjarashi ka shqetësuar stafin teknik, teksa ka pësuar një dëmtim në këmbën e djathtë.
I afruar në merkaton e verës, Bulatovic u aktivizua nga Brdaric në Kupat e Europës, duke bërë të harrohej i larguari Isaevski. Tanimë për fashën e majtë është edhe Hakaj, që luajti djë në të majtë.
Pritet që dëmtimi ta mbajë jashtë Bulatovic edhe të shtunën e 11 shtatorit, atëherë kur nis Superliga shqiptare.
Vllaznia luan me Laçin në transfertë, me malazezin që me shumë mundësi do jetë jashtë për shkak të dëmtimit.
DENONCO