Bregu: ‘Open Balkan’ po funksionon shumë mirë, lopë e dhi më pak se qen e mace

Vojo Bregu, ish-Sekretar i Përgjithshëm në Ministrinë e Bujqësisë nga radhët e LSI, ka reaguar sot lidhur me ndikimin e pritshëm në ekonominë shqiptare të nismës “Ballkani i Hapur” që Kryeministri Edi Rama ka ndërmarrë me homologët e tij në rajon, Vuçiç e Zaev.

Me ironi, Bregu i renditi sot “përfitimet” që kanë nisur të vijnë prej saj: “Open Balkan” në bujqësi ka filluar të funksionojë shumë mirë. Është trefishuar sasia e qumështit që vjen nga Serbia drejt Shqipërisë. Gjatë mandatit të dytë, është ulur me mbi 30% numri i kafshëve të gjalla.”

LEXO EDHE  Rama, njeriu i Amerikanëve në Tiranë? Ja momentet kyçe kur u mbështet nga Kim dhe Palmer

“Me këtë ritëm, gjatë mandatit të tretë, lopët, dhitë dhe delet, do jenë më pak se numri i qenve dhe maceve,” – ka nënvizuar Bregu me sarkazëm për të vazhduar edhe ca më tej: “Por e rëndësishme është që qumështi i freskët, për aq sa mund të jetë i tillë, do të vijë nga Serbia dhe nuk do prodhohet më në Shqipëri”.