Prezantuesi i njohur amerikan, Joe Rogan, ka rezultuar pozitiv me COVID-19.
Komediani, i cili bëri polemika për sugjerimin se të rinjtë dhe të shëndetshmit nuk duhet të vaksinohen, tha se ai u sëmur pasi u kthye nga një shfaqje në Florida.
54-vjeçari tha se kishte një dhimbje koke dhe se po ndihej ‘shumë i lodhur’. Rogan u tha 13.1 milionë ndjekësve të tij në Instagram se ishte izoluar nga familja. Ai tha se ishte trajtuar me një sërë ilaçesh, duke përfshirë antitrupat monoklonalë.
Joe kishte qenë në turne me shfaqjen e tij “Joe Rogan”. Ai kishte planifikuar të performonte së bashku me komedianin Dave Chappelle në Nashville, Tennessee, të premten.
Emisioni i komedianit, “Joe Rogan Experience”, u ble nga Spotify në 2020, thuhet se për më shumë se 100 milionë dollarë
Kujtojmë se, pasi u përball me një reagim të ashpër për komentet e tij ndaj vaksinës, ai më vonë sqaroi: “Unë nuk jam një person kundër vaksinës”.
