Njëzet e dy viktima nga koronavirusi u konfirmuan të mërkurën në Kosovë, bëri të ditur Ministria e Shëndetësisë.
Sipas raportit ditor, në 24 orët e fundit u regjistruan edhe 1,894 raste të reja me Covid nga 14,284 testime.
Në raport, po ashtu bëhet e ditur se në 24-orëshin e fundit, 1,354 pacientë janë shëruar nga koronavirusi.
Aktualisht, raste aktive në Kosovë janë 27,404.
Deri të mërkurën, në Kosovë janë dhënë mbi 841,000 vaksina kundër koronavirusit. Në total, 284,269 qytetarë janë vaksinuar me dy doza.
