“Çështja nëse PD duhet të distancohet ose jo nga ish-Kryeministri Sali Berisha nuk është një çështje që i takon një Sekretari apo një anëtari Kryesie apo Këshilli Kombëtar, por shumë më e gjerë se kaq”. Kështu u shpreh në një reagim për Syri Tv, Gerti Bogdani.
Ai tha se kjo çështje është shumë më e gjerë se sa deklaratat apo reagimet e njëanëtari, është një çështje për të cilën duhet parë se si duhet menaxhuar nga lidershipi politik i PD dhe nëse do të jetë e nevojshme për tu diskutuar në forumet drejtuese të kësaj partie.
Reagimi i anëtarit të Kryesisë së PD vjen një ditë pasi Sekretarja për të Përndjekurit Politik, Jonila Godole, tha se Partia Demokratike duhet që të distancohet nga ish-kryeministri, Sali Berisha.
Por duket se qëndrimi i Godoles nuk përfaqëson një qëndrim zyrtar të PD, përsa kohë një prej anëtarëve të kryesisë së kësaj partie, shprehet kundër saj.
Nuk dihet nëse në mbledhjen e parë të Kryesisë së PD do të diskutohet ose jo mbi qëndrimin që duhet të mbajë PD lidhur me kërkesën e ambasadores Yuri Kim ish-Kryeministrin për të larguar Sali Berisha nga Grupi Parlamentar, por zyrtarisht ajo që është deklaruar nga kreu demokrat Lulzim Basha është se PD pret të njihet me prova dhe fakte mbi vendimin e DASH për të përfshirë Berishën në listën e zezë.
