Këshilli Europian përfshin Shqipërinë në listën e shteteve që mund të lëvizin lirshëm brenda BE

Këshilli Europian ka përfshirë Shqipërinë në listën e shteteve të cilat u janë hequr kufizimet për të kryer udhëtime jo bazike drejt vendeve të unionit.

Lista do të rishihet pas dy javësh, thotë KE, që rekomandon vendet anëtare të heqin gradualisht kufizimet ndaj këtyre shteteve.

Përveç Shqipërisë, në këtë listë përfshihen Serbia, Maqedonia e Veriut, Australia, Japonia, Libani, Izraeli, Ruanda, Koreja e jugut, Singapori, Tajlanda, Shtetet e Bashkuara, si dhe për Hong Kongun dhe Makaun.

LEXO EDHE  Aktivizohet një vatër zjarri në Tragjas të Vlorës, era favorizon flakët (Foto)

Në listë gjithashtu janë futur edhe shtetet e zonës Shengen që nuk janë pjesë e unionit, si Islanda, Lihtenshtajni, Norvegjia dhe Zvicra, si dhe banorët e Andorrës, Monakosë, San Marinos dhe Vatikanit.