“Ose do të vras ty, ose do të vras nënën”, Aris Papas e donte të vdekur “banda shqiptare” në burgun grek

Detaje të reja janë zbuluar nga vrasja mafioze e Aris Papas në mes të Athinës.
Mediat greke, së fundmi shkruajnë se ka shpërthyer një luftë e ashpër mes bandave që funksionojnë në territorin grek.

Hetimet për ekzekutimin e shqiptarit 32-vjeçar, policia i ka drejtuar në trekëndëshin e burgjeve Athinë-Patras, ku vepron krimi i organizuar por edhe mafia shqiptare.

Sipas informacioneve të raportuara mediat greke në kontekstin e hetimeve për vrasjen e 32-vjeçarit shqiptar në Sepolia të dielën pasdite, policia po shqyrton të dhënat nga hetimi antiterror që në periudhën 2018 -2019 si dhe në 2017, ku u vra kriminologu Michalis Zafeiropulos i cili kishte regjistruar veprimin e pesë kriminelëve shqiptarë që drejtonin sulmet e mafias nëpër burgje.

Kështu ka dyshime të forta se shënjestër e mafies shqiptare që drejton nga burgjet, të ketë qenë edhe Aris Papas i cili u vra me 8 plumba nga një autor ende i paidentifikuar, teksa pinte kafen në Sepolia të Athinës. Autori më pas u largua me anë të një taksie pa u shqetësuar.

Në fakt, sipas dëshmisë së një zyrtari të burgut, në maj të vitit 2019, një anëtar kryesor i mafies shqiptare në Korydallos kërkoi shfarosjen e Aris Papas ndërsa pretendohet se ai e kërcënoi se nëse nuk arrinte ta vriste, do të kthehej të vriste nënën e tij. Kujtojmë se pikërisht kjo e fundit akuzoi mafien shqiptare për vrasjen e të birit.
32-vjeçari ka qenë në qendër të mosmarrëveshjeve mes anëtarëve të mafias shqiptare , e cila në 2006-2008 kishte vrarë 11 persona, plagosur 13 të tjerë, ndërsa ish-anëtarë ishin rrëmbyer dhe grabitur. Banda depërtoi nëpër vendet ku qëndronin viktimat a tyre duke plagosur edhe disa qytetar të pafajshëm.

LEXO EDHE  Studimi: Përmbytjet mund të rrezikojnë miliona njerëz

Vetëm pak orë nga vrasja e shqiptarit krimi la një tjetër të vdekur ish boksierin Berdesis. Tassos Berdesis u ekzekutua me 14 plumba kallashnikovi. Edhe kjo vrasje u krye për larje hesapesh mes bandave, ndërsa ende nuk dihet nëse kanë lidhje me njëra tjetrën.

Pesë vrasje në 52 ditë

Më 9 prill, gazetari George Karaivaz u  qëllua për vdekje jashtë shtëpisë së tij në Alimos me dhjetë plumba.
Në fillim të majit, biznesmeni Dimis Korfiatis u vra në Zakynthos.
Më 15 maj, në Metamorfosi,  boksieri veteran me pseudonimin “Kefalas” ra i vdekur.
Të dielën,  në Sepolia, 32-vjeçari shqiptar u vra  në një kafene.
Të hënën më 31 maj, boksieri Tassos Berdesis ra i vdekur  .