Serie A ndan çmimet individuale, Lukaku shpallet lojtari i sezonit

Interi dominoi futbollin italian sezonin që lamë pas, u shpall skuadra kampione dhe riktheu trofeun e madh pas 11 vitesh në Milanon zikaltër. Serie A ka zgjedhur ditën e sotme lojtarët më të mirë të sezonit.

Në portë Gigio Donnarumma i Milanit, që sezonin e ardhshëm do e shohim mes shtyllave të një skuadre tjetër.

Çmimi i mbrojtësit më të mirë i shkon argjentinasit, Cristian Romero i cili aktivizohet me Atalantën. Çmimi i mbrojtësit më të mirë i shkon argjentinasit, Cristian Romero i cili aktivizohet me Atalantën.

Për sa i përket mesfushorit më të mirë, ai luan për Interin. Puna me Antonio Conten e ka rritur shumë, Nicolo Barellën. 24-vjeçari shkëlqen në të dy fazat e lojës dhe është kthyer në një lojtar jetik për ekipin zikaltër.

Sulmuesi më i mirë është zgjedhur Cristiano Ronaldo. Ylli i Juventusit u shpall golashënuesi më i mirë në Serie A me 29 gola, duke merituar edhe çmimin e sulmuesit më të mirë të kampionatit italian.

Po futbollisti më i mirë i sezonit? Çmimi shkon për Romelu Lukakun, i cili udhëhoqi Interin drejt titullit kampion. Potencë fizike, teknikë superiore dhe motivues e udhëheqës. Numrat e sezonit të tij janë të jashtëzakonshëm: 24 gola dhe 11 asiste.