Ambasadori britanik, Duncan Norman, uroi kryeministrin Edi Rama dhe Partinë Socialiste për fitimin e zgjedhjeve parlamentare të 25 prillit.
Kryediplomati kërkoi në mesazhin e tij të publikuar në rrjetet sociale hetoimin e parregullsive të pretenduara gjatë procesit zgjedhor.
Ashtu si homologët e tij, amerikania Kim dhe gjermani Zingraf, ambasadori britanik përgëzon edhe Partinë Demokratike për fushatën e fortë.
Ambasadori përgëzon edhe shqiptarët për pjesëmarrjen e lartë pavarësisht kufizimeve që imponon pandemia.
“Britania e Madhe e ka mbështetur dhe ka ndjekur përgatitjen dhe mbajtjen e këtyre zgjedhjeve në Shqipëri. Ne na vjen mirë që pamë zbatimin e kornizës zgjedhore dhe dëshmuam që qytetarët votuan në një numër të madh. Ne inkurajojmë institucionet shqiptare që të hetojnë të gjitha parregullsitë e pretenduara,” shton Duncan Norman.
