Kryeministri Edi Rama i ftuar në Log. në ABC nuk ka lënë mënjanë akuzat ndaj Bashkimit Europian, që sipas tij, la vendet e Ballkanit pa vaksina.
“Edhe ne në fazën e parë e kishim që do pranonim vetëm vaksinat që ishin të miratuara nga EMA. Ajo që ndodhi me BE më është dukur e palogjikshme e pajustifikueshme që në atë moment e gjithë kjo lagje në mes të Evropës , se ne jemi lagje në mes të Evropës sepse dhe ata u duket sikur jemi diku mes Greqisë, Kazakistanit ne jemi të rrethuar kufijtë tanë të jashtëm si Ballkan janë me Evropën.
Dhe ato pa marrë mundimin që të thonë se kjo është situata pasi ne e pamë se të gjithë shtete u bënë individual dhe u mbyllën brenda por dreqi e mori nga 10 mijë vaksina 60 mijë gjithsej për të vaksinuar mjekët dhe infermierët që populli të shikojnë në Televizion dhe të rrinë si peshku pa ujë”, tha Basha.
Ai shtoi se Kina dhe Rusia kanë luajtur diplomatikisht dhe gjeopolitikisht duke u dhënë vendeve sasi të vogla. “Kanë luajtur me karamele”, tha Kryeministri.
“Duhet parë në dinamikë, sepse nuk ma ha mendja se pasi u ka shkuar në mend, po unë nuk e mendoja që do të vinte dita që Angela Merkel do të thoshte që edhe sikur EMA të mos e miratojë ne do të marrim Sputnik-un. Rusët dhe kinezët kanë luajtur diplomatikisht dhe gjeopolitikisht me vaksinën dhe me karamele, doza të vogla.
Ka luajtur me karamele. Dhe ka plot vende që kanë bërë kërkesën dhe nuk kanë marrë asgjë akoma ose kanë marrë doza të vogla. E treta që është themelore, ne ishim në të njëjtin pozicion me vendet e BE-së. Ne eksportuam rrugë të tjera, për të qenë gati nëse nuk do të hapej shumë hapësirë me dy vaksinat dhe kemi gjetur kanale të tjera, jo shtetërore.
Janë kanale të tjera. Ne kemi eksportuar për të kuptuar si funksiononte gjëja në rast nevoje. Ne kemi punuar me 18-19 nuk e di me sa linja dhe skenarë. Nuk është se ata i kanë atje dhe po thonë hajde merreni dhe ne nuk po shkojmë, ata madje do ta shtrëngojnë” tha ai.
