Gjermania është gati të fillojë negociatat me Rusinë për të marrë vaksinën ruse Sputnik V COVID-19, duke shtuar se çdo marrëveshje përfundimtare varet nga Rusia që siguron të dhëna kryesore për Agjencinë Evropiane të Barnave (EMA) , ka thënë Reuters.
Komisioni Evropian u tha ministrave të shëndetësisë të vendeve anëtare të BE të Mërkurën se Brukseli nuk po planifikonte të fillonte bisedimet me Rusinë mbi një kontratë paraprake për Sputnik V siç bëri me ofruesit e tjerë të vaksinave.
Kjo është arsyeja pse Ministri gjerman i Shëndetësisë Jens Spahn njoftoi gjatë takimit virtual se Gjermania do të fillojë negociatat paraprake me Rusinë mbi një marrëveshje dypalëshe për të siguruar vaksinën.
Në bisedimet paraprake, Gjermania së pari dëshiron të përcaktojë se sa sasi mund të japë Rusia.
Në çdo rast, Gjermania do të blejë vaksinën ruse vetëm pasi të jetë aprovuar nga EMA dhe për këtë është thelbësore që Rusia të sigurojë të dhënat e nevojshme, shtoi burimi.
Ditën e mërkurë, Kryeministri i Bavarisë tha se Gjermania do të blejë 2.5 milion doza të vaksinës Sputnik nëse miratohet nga EMA.
Markus Soeder, Kryeministri i Gjermanisë Jugore ka thënë se blerjet e dozave të vaksinës do të fillojnë në korrik.
