“Vaksinën kineze e kam sjellë unë, po po, ky që sheh këtu dhe e kam sjellë duke bërë akrobacira që po të ulesh shkruan një libër”, u shpreh Kryeministri Edi Rama gjatë debatit në emisionin Open lidhur me vaksinat anti-Covid.
Rama tha se po të mos ishte ai nuk do të mund të gjendeshin vaksinat kundër Covid-19.
“Serbia ka mjeshtërinë e lojës me 7 porta, ne kemi një politikë të Jashtme që sjell vaksina për të shpëtuar jetë. E dini ju që edhe Gjermania nuk ka mundur të sigurojë vaksina? Po të dëgjonit ju zyrtarët e BE-së që takova në Bruksel, do vinit duart në kokë”, tha Rama.
Kryeministri deklaroi se sot Angela Merkel është bërë pishman kushedi sa herë që refuzoi vaksinat ruse.
“Ne e siguruam vaksinën kineze nga Turqia. Në Turqi po vaksinohen intensivisht me këtë vaksinë që po vaksinohen edhe shqiptarët. Kina po vaksinon krahun e punës”, tha Rama.
Ai nuk kurseu kritikat ndaj ekspertëve që kanë shfaqur dyshime ndaj vaksinvs kineze. “Ata janë sharlatanë”, tha Rama, duke u shprehur se gjithë oborret mbretërore në vendet më të pasura janë vaksinuar me këtë vaksinë.
“Pse duhet të dëgjoj unë Alimehmetin apo Alibabën? Këto që na flasin për certifikime janë ca sharlatanë”, tha Rama.
DENONCO