Kryeministri Edi Rama ka ashpërsuar sot tonet ndaj opozitës, duke e cilvsuar si talebane.
Deklaratat e Ramës janë bërë gjatë një takimi me simpatizantë socialistë, në vijim të fushatës për zgjedhjet parlamentare të 25 prillit, në Qarkun e Shkodrës.
Rama u shpreh se ai u vonua me 30 minuta për të shkuar në qendrën e vaksinimit në Koplik, pasi disa përfaqësues të PD-së donin të merrnin qëndrën e numërimit si pjesë të KZAZ-së së tyre dhe të largonin të moshuarit.
“Sot ne ishim në një vizitë në qendrën e vaksinimit në Malësinë e Madhe, jemi vonuar 30 min sepse kishin shkuar disa përfaqësues të PD dhe donin të merrnin qendrën e numërimit dhe të largonin të moshuarit.
Ata thonin që është e jona, e thonin ne jemi KZAZ, e kuptoni se me çfarë lloj talebanësh kemi të bëjmë ne”, tha Rama.
Lidhur me akuzat që i bëhen si komunist, Rama u shpreh se i vjen çudi që quhet komunist ai, i cili është nipi i Zef Kolumbit dhe të cilin e ka bërë katolik gjyshja e tij shkodrane.
“Sot thesari i dinastisë Marubi është i nxjerrë nga plehrat nga ne. Nëpër thasë plasmasi mes plehrave. Sot ky thesar është i shpëtuar dhe dinastia ka një muze kombëtar. Kush e bëri këtë? Ne, komunistët.
Që pika që s’iu bie këtyre lloj anti-komunistësh, që janë viktimat e fundit të mentalitetit komunist në Shqipëri. Më shohin si komunist mua. Nipin e Zef Kolombit e gjithë asaj familjeje. Këta mua. Mua që gjyshja ime shkodrane më bëri katolik.
I kam shumë merak këta. Se ccfarë kërkojnë kta. I kuptoj që thonë nuk duam të merremi fare me askënd se jemi aristokracia e lartë. Por kur thua ne jemi me PD-në, që është rrafshi moral, mendor, në çdo aspekt. Është katandisur në një lloj qënie që s’ka as karakter. Të paktën Saliu nuk diskutohet i ka ato që ka, por në mbrapshtinë e vet, ishte një lider që kishte karakter. Një lider i mbrapshtë, por me karakter. Por të jesh me PD-në e Lulzim Bashës, Agron Dukës, Dash Shehit, Monika Kryemadhit, ilri Metës, ky është fundi,” deklaroi Rama.
