Grabitja e argjendarisë, policia jep detaje: Janë 2 autorë, ishin të armatosur

Policia e Shtetit ka dhënë detaje lidhur me grabitjen me armë që ndodhi në një argjendari në Gjirokastër.

Sipas Policisë, janë dy autorë të dyshuar që kanë marrë pjesë në grabitje. Ata kanë vepruar nën kërcënimin e armëve dhe janë larguar me shpejtësi nga vendngjarja.

Policia njoftoi gjithashtu se janë ngritur pika kontrolli për të bërë të mundur kapjen e autorëve.

“Gjirokastër/Informacion paraprak

Më datë 31.03.2021, rreth orës 18:10, në lagjen “18 Shtatori”, në një argjendari, dy persona të paidentifikuar dyshohet se nën kërcënimin e armës, kanë vjedhur sende me vlerë dhe më pas janë larguar me shpejtësi.

LEXO EDHE  “Do të vr*s”, ish-burri kërcënoi Sabrinën 2 java para lirimit nga burgu

Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve.

Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve“, njoftoi Policia.