Covid-19, 8 pacientë humbin jetën në 24 orët e fundit/ Situata në spitale

Ministria e Shëndetësisë njoftoi sot se në 24 orët e fundit kanë humbur jetën 8 qytetarë si pasojë e Covid-19.

Aktualisht në spitalet COVID në Tiranë dhe tre spitalet rajonale po trajtohen 271 pacientë, 9 në terapi intensive, nga të cilët 2 pacientë janë të intubuar.

Me gjithë përpjekjet e stafit mjekësor, 8 qytetarë e kanë humbur betejën me COVID19: 3 qytetarë nga Tirana, 1 qytetar nga Korça, 1 qytetar nga Mirdita, 1 qytetar nga Fieri, 1 qytetar nga Kavaja, 1 qytetar nga Tepelena, të moshave 46- 93 vjeç.

LEXO EDHE  Rrënimi i ‘Urës së Zogut/ Organizata Sebastia apel institucioneve: Ndërhyni menjëherë

Që prej fillimit të pandemisë kanë humbur jetën 2235 qytetarë si pasojë e Covid-19, bazuar në shifrat zyrtare të Ministrisë së Shëndetësisë, ndërkohë që sipas INSTAT shtesa e vdekjeve përgjatë 2020 krahasuar me vitet e mëparshme është mbi 6 mijë.