Presidenti i Turqisë Recep Tayyip Erdogan njoftoi sot masa më të ashpra kundër koronavirusit, të cilat përfshijnë mbylljen e serishme gjatë fundjavës, duke deklaruar se po rritet numri i qyteteve në vend ku ekziston një rrezik i lartë i përhapjes së sëmundjes infektuese.
Erdogan tha se mbyllja gjatë fundjavës do të futet gjatë gjithë muajit të shenjtë të Ramazanit dhe se ora policore do të vazhdojë nga ora 21:00 deri në 05:00 të mëngjesit.
Turqia kishte 32.404 raste të reja të koronavirusit në 24 orët e fundit, numri më i madh këtë vit, sipas të dhënave të sotme nga Ministria e Shëndetësisë.
Numri i përgjithshëm i të infektuarve që nga fillimi i epidemisë është 3 milionë e 240 mijë e 577. Në 24 orët e fundit, 154 njerëz vdiqën, duke çuar bilancin total të viktimave në 32.404.
Stambolli dhe Ankaraja janë ndër qytetet ku ekziston një rrezik i lartë i përhapjes së sëmundjes, tha Erdogan, duke shtuar se 80 për qind e qytetarëve në shtetin me 84 milionë banorë jetojnë në qytete me rrezik të lartë.
Turqia është një nga shtetet që po vaksinon qytetarët me vaksinat kineze Coronavac dhe sipas shifrave janë rreth 17 mln qytetarë që kanë marrë dozat e kvsaj vaksine.
