VIDEO/ Kryemadhi: Më 25 prill t´i japim fund tranzicionit

“Ne duhet t’i japim fund tranzicionit në Shqipëri. Ne duhet t’i japim fund urrejtjes politike, sepse ajo nuk na çon përpara, por përkundrazi na kthen mbrapa në ato vitet më të errëta të Shqipërisë.

Ne duhet të shpërndajmë dashurinë, duhet të shpërndajmë solidaritetin, duhet të shpërndajmë bashkëjetesën me njëri tjetrin, ashtu siç kemi ditur dhe dimë gjithmonë ne shqiptarët për të mbajtur njëri tjetrin dhe për t’i qëndruar pranë”. Kështu u shpreh kryetarja e LSI-së, Monika Kryemadhi, ndërsa vijoi takimet në Malësinë e Madhe, Qarku Shkodër, në kuadrin e zgjedhjeve parlamentare të 25 prillit.

LEXO EDHE  Vr*u me thikë rumunin pas sherrit në lokalin e natës, del para gjykatës 35-vjeçari shqiptar

Ajo u shpreh se në kuadrin e shpopullimit që po ndodh në të gjithë Shqipërinë, edhe Malësia e Madhe e ndjen.

“Por në fakt gjëja kryesore që ne shpresojmë, ashtu sikurse Melisa është studente në Angli dhe ka ardhur e kandidon për listën e LSI-së, ne nuk duam t’i kthejmë të rinjtë tanë thjesht sepse duam t’i kemi këtu, por duam t’i kthejmë të rinjtë tanë të kontribuojnë, të ndërtojnë, të jetojnë, të punojnë dhe ta zhvillojnë Shqipërinë”, tha ajo.