Ministria e Shëndetësisë njoftoi sot se 8 pacientë kanë humbur jetën si pasojë e Covid-19 në 24 orët e fundit. Njoftohet se mosha e pacientëve që kanë humbur jetën është 35-74 vjeç, ndërkohë që nuk jepen informacione nëse kanë pasur ose jo sëmundje bashkëshoqëruese.
Aktualisht në spitalet COVID në Tiranë dhe tre spitalet rajonale po trajtohen 343 pacientë, 18 në terapi intensive, nga të cilët 10 pacientë janë të intubuar.
Sipas njoftimit zyrtar, 8 pacientët që kanë humbur betejën me COVID19 janë: 2 qytetarë nga Tirana, 1 qytetar nga Lushnja, 1 qytetar nga Fier, 1 qytetar nga Tepelena, 1 qytetar nga Shkodra, 1 qytetar nga Durrësi, 1 qyetetar nga Korça, të moshave 35-74 vjeç.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.
Telefononi në numri 127 të Urgjencës Kombëtare për çdo emergjencë apo referim në spital.
