Përfaqësuesja e Maqedonisë, pas suksesit historik dhe kualifikimit në Kampionatin Evropian, nis misionin e ri të eliminatoreve për Botërorin “Katar 2022”. Në prag të përballjes së parë në këto eliminatore, kundër Rumanisë, u prononcua Ferhan Hasani:
“Nuk duhet të kemi presion, pasi që janë ndeshje standarde dhe nuk janë asgjë e re për përfaqësuesen, ndërsa këtu ka edhe futbollistë që kanë qenë nën presion edhe në këtë kaluarën. Duhet të luajmë lehtë , ashtu siç kemi luajtur më parë dhe rezultatet do të vijnë. Të gjithë jemi gati që të japim maksimumin për përfaqësuesen.
Mirë është që pasojnë ndeshjet me kombëtaret më të forta për ne, ndërsa kush do të luajë e kush do të pushojë, kjo është detyra e trajnerit”.
Hasani ka luajtur vetëm 9 minuta për Partizanin që pas transferimit të tij në janar.
