Ferhan Hasani prezantohet te Partizani, sulmuesi blerja e tretë e klubit të kuq

Ferhan Hasani është goditja e Partizanit në merkato. Klubi i kuq kishte arritur marrëveshjen prej disa ditësh dhe fantazisti u pa në derbi dhe në sfidën e djeshme me Teutën në stadium. Në mbrëmje klubi i kuq njoftoi se zyrtarisht Hasani është pjesë e “demave”.

Ditën e sotme ka ardhur edhe prezantimi i sulmuesit, i cili do të mbajë numrin 24. Në konferencë i pranishëm ishte edhe drejtori i përgjithshëm, Olsi Rama. Për Partizanin ky është afrimi i tretë i rëndësishëm.

LEXO EDHE  U arrestua pas sherrit me të dashurën, Gjykata jep vendimin për Solomon

Më parë Partizani ka prezantuar lojtarë si Valentino Murataj dhe Stenio Junior. Me këtë të fundit Hasani ka qenë shok skuadre te Shkëndija e Tetovës, ku kanë fituar edhe titullin kampion.