Ferhan Hasani është blerja më e re e Partizanit, e konfirmuar ditën e djeshme nga klubi i kuq ndërsa ditën e sotme u bë prezantimi i tij.
30-vjeçari para prezantimit firmosi kontratën me të kuqtë, e cila do e mbajë të lidhur me klubin për 18 muajt e ardhshëm.
Mësohet se lojtari do të përfitojë një pagë më shumë se 10 mijë euro në muaj, nuk bëhet e ditur një shifër ekzakte, por mendohet të jetë pak më shumë se 10 mijë euro në muaj.
Hasani konsiderohet si një nga goditjet më të mëdha në Superiore, kjo për shkak të së shkuarës së lojtarit, i cili më parë ka luajtur me Shkëndijën, Volfsburgun, Brondbi, Al Raed dhe së fundmi me HJK Helsinki por në fund vlerën e tij do ta tregojë fusha e lojës.
