Kryeministri Edi Rama ka marrë në mbrojtje biznesmenin Gjergj Luca, i cili u përfshi në një konflikt me ish-deputetin e PD-së, Luçiano Boçi.
Rama është rikthyer në Elbasan, pak ditë pas 14 marsit, ku sërisht pati incidente, mes disa truprojave të Kryeministrit, “çuna problematikë”, dhe një grupi qytetarësh, që brohorisnin “Rama ik”.
Sot në kuadrin e takimeve elektorale për zgjedhjet e 25 prillit, Rama është shprehur se ata do të respektojnë rregullat, duke i cilëusar si papërgjeshmëri atë që ndodh në krahun tjetër politik.
Gjithashtu, kreu i qeverisë ka reaguar për përleshjen fizike mes kandidatit të PD, Luçiano Boçi dhe biznesmenit Gjergj Luca.
Rama e ka cilëusar Boçin si grushtues, ndërsa Lucën si krijues të madh.
“E pamë në Elbasan dhe ju ftoj ta imagjinoni sikur grushtuesi i një sipërmarrësi, i një punëkrijuesi të madh, të kishte qenë cilido prej nesh prej djemve dhe burrave që janë këtu në tavolinë, grabitësi i telefonit të tij të ishte Tualanti, apo Luani, cilido qoftë çfarë do të ishte bërë.
Sa email-e dhe telefonata, e lumenj lumi do kishin derdhur nëpër Evropë dhe sa do të kishin vënë kujën.ne e kemi të qartë se janë të dëshpëruar se e kanë të qartë që nuk kanë mundësi të kenë një shans tjetër”, tha Rama.
Incidenti mes Lucës dhe Boçit po hetohet nga prokuroria, ky si biznesmeni ashtu edhe ish-deputetikanë depozituar kallzime penale. Tashmë pas mbrojtjes që Rama i bëri biznesmenit, nuk është shumë e vështirë të kuptosh se si do të shkojnë hetimet.
