Gjashtë shqiptarë kanë rënë në prangat e policisë italiane, pasi akuzohen se kishin ngritur një fermë kanabisi.
Të arrestuari janë 5 burra dhe një grua, kjo e fundit është lënë në arrest shtëpie.
Shqiptarët janë arrestuar mëngjesin e sotëm, ndërsa policia ka mundur të zbulojë edhe fermën e kanabisit në fshatin Pavian në komunën e Villanterio në Milano.
Mediat italiane raportojnë se ferma e kanabisit ishte me kushte optimale për rritjen e bimëve narkotike ndërsa ishte vendosur në një depo të vjetër.
Në total policia italiane ka sekuestruar 10 mijë bimë kanabis si dhe 10kg drogë të paketuar që ishte bërë gati për shitje.
Shqiptarët e arrestuar janë të moshave 24-50 vjeç.
