Situata kritike nga koronavirusi dhe mutacionet e tij e kanë shndërruar “Covid2” në spitalin e terapisë intensive.
Në çdo pavion të tij, janë rritur shtrimet, por dhe pacientët që ndodhen në gjendje kritike.
Alma Cani, shefja e reanimacionit në spitalin Covid-2 tregon për A2news se mes të shtruarve ka edhe të rinj në gjendje kritike.
Aktualisht një 19-vjeçare është pacientja më e re në moshë në Sanatorium, e cila po mbahet në terapi intensive. Shefja e shërbimit thotë se edhe humbjet e jetës te të rinjtë po ndodhin për shkak të neglizhencës së tyre ndaj sëmundjes.
Mjekja ka një thirrje për të gjithë pacientët që hezitojnë të shkojnë në spital nga frika e humbjes së jetës.
Shefja e reanimicionit nuk fsheh as tronditjen psikologjike të mjekëve dhe infermierëve në spitalet Covid, veçanërisht pas çdo humbje jete.
Sipas të dhënave zyrtare në një vit pandemi kanë humbur jetën mbi 2 mijë persona, por numri i vdekjeve nga Covid-19 është shumë më i lartë.
