Kryeministri Edi Rama ka reaguar pas një video të publikuar nga PD-së, ku ishin përmbledhur të gjitha fyerjet dhe ofendimet që Edi Rama ka bërë ndaj gazetareve.
Video e publikuar është një apel i fortë për të reaguar ndaj arrogancës dhe fyerjeve të Kryeministrit, veçanërisht ndaj vajzave dhe zonjave gazetare.
Por duket se kjo video e publikuar ka bërë që Kryeministri të acarohet, madje të shkojë deri aty sa t´a quajë një montazh prej skuthi. Pavarërisht se çfarë thotë Rama në reagimin e tij, rasti më i fundit ishte ai ndaj një gazetareje që në një transmetim live, nuk kishte vendosur maskën dhe Kreu i Qeverisë e shtyu dhunshëm, një veprim ky që solli reagime të forta.
“Lulëzim ofendimi, shpifja, harbutëria nuk ka gjini, është e pajustifikueshme pavarësht nga gjinia e autorit!Kurse ti king vajzat e shqiptarëve ruaji nga Saliu, Likja e tërë harbutët e tu që lemerisin dynjanë kur hapin gojën dhe lëri montazhet prej skuthi!”,- shkruan kreu i qeverisë në një reagim në Facebook.
