Epidemiologu Ilir Alimehmeti tha mbrëmjen e sotme në emisionin Tempora se nga 10 mln vaksina Pfizer dhe Astrazeneca kanë ndodhur 23 dhe 27 tromboza.
Alimehmeti tha se sikur në Shqipëri të vaksinoheshin të gjithë qytetarët mund të kishim 5 ose 6 raste trombozash.
“Raportet tregojnë se 1 në 350 mijë persona mund të pësojë trombozë, ndërsa ne deri më tani, referuar shifrave zyrtare, kemi mbi 2 mijë të vdekur nga pandemia.
Unë nuk e di sepse ka një debat lidhur me vaksinën Astrazeneca, kur tromboza ka krijuar edhe Pfizer”, tha Alimehmeti.
Sipas tij, trombozat më të shumta krijohen nga duhani, obeziteti ose mbipesha dhe udhëtimet e gjata, dhe ne nuk bëjmë sërisht debate të tilla, sikundër po ndodh tani me vaksinat anti-Covid.
