Kryetarja e LSI, Monika Kryemadhi, ka prezantuar sot kandidatët e kësaj force politike në Qarkun e Gjirokastrës. Kryemadhi tha se Rilindja ka centralizuar në një dorë gjithçka dhe kjo ka ardhur jo vetëm të kontrollit financiar, korrupsionit të tenderave.
Kryemadhi tha se që të largosh arkivin e një qyteti, që është memoria, është antishqiptare.
“Të lëvizësh arkivën e një qyteti që ka qindra e qindra vjet, që kur ka qenë vilajet dhe ta lëvizësh, ta çosh nga Gjirokastra në Lushnjë, që nuk kanë memorie, nuk kanë njohuri se çfarë ka ndodhur, kjo tregon se ka një prapaskenë mbrapa. Gjithë lëvizja e arkivit ka të bëjë me pronësinë, historinë, vendimet, pra me tjetërsimin e historisë dhe trashëgimisë sonë kulturore”, tha ajo.
Kryemadhi tha se Gjirokastra sot ka vetëm një ambulancë.
“Nga ana tjetër, mungesa e shërbimeve duke filluar që tek spitali, nuk mund të lësh Gjirokastrën që të mbahet me një ambulancë, sepse spitali rajonal e kanë shpikur të tjerët që janë më të zotë se Manastiruliu dhe Edi Rama nga ana e sistemit shëndetësore, pasi ti jetë vetë mjek dhe e di shumë mirë se si funksionon. Ka të bëjë që njerëzit të mos ndihen më të sigurtë dhe të largohen nga ky vend. Pra të vazhdojë shpopullimi me ritme shumë më të shpejta. Nëse deri tani shpopullimi ka ndodhur për shkak të papunësisë, tani shpopullimi do të ndodhë me ritme më të shpejta për shkak të kujdesit shëndetësor, arsimit dhe më pas do të vijmë gjëra njëra pas tjetrës”, u shpreh Kryemadhi.
“Nëse ne nuk do të shpërndajmë dhe rishpërndajmë të gjithë institucionet po themi që kanë të bëjnë me trashëgiminë kulturore që kanë të bëjë me arsimin.
Grumbullimi i gjithë institucioneve në një dorë nuk thotë gjë tjetër. Ne sot Tiranën e kemi një qytet që vetëm konsumon politikë po faktikisht nuk prodho asgjë dhe të gjitha qytetet e tjera, e gjithë Shqipëria që është në funksion të rritjes së PBB, pra kemi naftën, kemi bujqësinë, kemi trashëgiminë kulturore kemi turizmin, faktikisht janë pa vëmendje por dhe të diskriminuara dhe të distancuara totalisht nga qeveria. Ne e dimë shumë mirë që ndarja në 4 rajone që u bë nga kryeministria kishte si qëllim në vetvete kontrollin jo vetëm të buxhetit p0or dhe të aseteve njerëzore. Pra për ti marrë njerëzit për ti emëruar dhe ç’emëruar me vendime politike dhe për të mos i pasur në shërbim të qytetarëve.
Pra përfundimisht Rilindja e ka parë administratën qeverisje si një grup mercenarësh që është vetëm në funksion të saj. Megjithatë sot më shumë se kurrë njerëzit kanë nevojë për ti takuar. Nëse ne në tiranë funksionojmë nëpërmjet frymës, nëpërmjet mediave, portaleve në rrethe si Gjirokastra, Berati, Skrapari, Kuçova, Dibra,kontakti njerëzor është i domosdoshëm. Duke u takuar me njerëzit duke biseduar me ta, është një nga pikat tona më të forta që ne e kemi pasur gjithmonë. Forca e LSI por dhe e jona kanë qenë të rinjtë dhe të rejat, gratë dhe vajzat”, tha Kryemadhi.
