Nga Boldnews.al
Iku Vasilika Hysi, iku Eglantina Gjermeni, iku Elona Gjebrea, as në fundin mbushës të listave nuk i deshi Rama. Madje i detyroi që më 8 mars të tregonin sesi e kishin njohur Edin, sa me emocione e pritën propozimin e tij për tu angazhuar në politikë dhe histori të tjera plot lezet…
Nuk i duheshin më Ramës, për të, ata e kishin mbyllur ciklin, ndonëse në komisionet parlamentare që të treja konsideroheshin si eksperte të mira, pavarësisht këmborës së Rilindjes që ua kishin varur në qafë për ta tundur sa herë e bëntë me sy kryetari. Ata ikën, sepse kishin një dinjitet, ndonëse të vrarë në një parti që vendos vetëm kryetari për gjithçka dhe të tjerët duhet ti binden. Por…, qëndron Elisa Spiropali.
Edhe ajo grua është, si Vasilika, Ermelinda, apo Elona, por ka diçka më tepër se ta, ka një një “shqisë” më shumë që është deliri për idhullin. Të trija deputete e larguara në Parlament kanë qenë aktive, sidomos në profilet e tyre, por kriteri që sot i mat Rama gratë dhe jo vetëm ato për ti bërë deputete është tjetër gjë.
Sot çdo grua që dëshiron të jetë jetëgjatë në PS, aq sa ta ketë në dorë Edi Rama duhet të bëhet “klon” i Elisës. Rilindja ka nevojë për më shumë Elisa. Për këto politikane që gjestikulacionet i kanë të njëjta me Ramën, që e mbrojnë atë deri në vetëmohim, që lepihen aq shumë sa u thahet pështyma dhe që pranojnë të bëhen “meme historike”, duke e konsideruar Ramën si Skënderbeu ynë.
Edhe Mimi Kodheli duhet të mendohet mirë për sjelljen e saj, ka një model dhe duhet ta ndjekë. Të rejat që kanë ardhur rishtaz sigurisht që e kanë kuptuar që nëse pyeten se kë kanë idhull, patjetër një emër i parë që duhet tu vijë në mendje është Elisa Spiropali.
Ka ngjitur “shkallët Rama” si askush tjetër. Nga një vajzë e pakët që briste në organizatën Mjaft, gjithnjë poshtë Veliajt për nga rëndësia në atë OJQ, Spiropali shkoi drejt në në dogana me izmin e Ramës. Në fakt ajo kishte kaluar më parë testin e besnikërisë kur u fut në “grevën e urisë” që po bënte PS-ja me moton: Hap kutitë ose largohu.
Dhe ajo diti të ecë, doganat e kthjelluan më shumë, i dhanë jetë jetës së saj, duke harruar byrektoret dhe furnizuar stomakun dhe trurin në restorante luksoze. Edhe në veshje u trasformua. Nuk ishte më ajo vajza aktive me atlete dhe xhinse të lara e thara disa herë, por me një sqimë klasike, majë takash që kur ecën tregon veten si “zonja e hekurt” e Rilindjes që lë pas edhe aromën e parfumeve të shtrenjta.
E pra, Elisa jo vetëm ua hodhi të gjithë grave të tjera të PS-së që Rama i largoi ose i përdori si mbushëse listash, por ka kapur pozicion të sigurt në listë dhe sot duartroket vendimet e kryeministrit që në shumë herë edhe ai ka shprehur vlerësime për të, duke e ngitur nga një detyrë e lartë në një tjetër.
Ky është modeli i gruas politikane brenda PS-së ndaj sot me shumë dhimbje të larguarat ngushëllojnë njëra tjetrën, por për tu ruajtur nga trishtimi urohen mes vetes: në të ardhmen paçim fatin e Elisës!
