Pas përplasjes së sotme në zyrat e FRD, mes përfaqësuesve të opozitës dhe Policisë së Shtetit e asaj Bashkiake ka ardhur dhe reagimi i kandidatit të LSI, Lefter Maliqi.
Përmes një postimi në Facebook, Maliqi i ka bërë thirrje Policisë së Shtetit që të respektojë ligjin dhe të mos zbatojë urdhra politik që bein ndesh me detyrën e tyre.
Sipas tij Policia e Shtetit duhet t’i shërbejë qytetarëve dhe jo një ccete që ka marrë peng shtetin.
Postimi i plotë i Maliqit:
I bëj thirrje Policisë së Shtetit, të mos provokojë Opozitën e Bashkuar dhe Popullin!
Të dashur miq!
Policia e Shtetit është e depolitizuar, ligji e ndalon të marrë urdhra politikë.
Si ish-drejtues policie, si ish-pedagog i Akademisë së Policisë, si ish-student i Kolegjit të lartë të Mbrojtjes (NATO), aleancë në të cilën aderon edhe vendi ynë prej vitesh, si antar i Komisionit të Sigurisë Kombëtare prej 7 vitesh, ju bëj thirrje të zbatoni ligjin, të luftoni krimin dhe vendosni Rendin, distancohuni nga urdhrat politik të Rilindjes, pasi misioni juaj është marrëdhënia me publikun, larg presioneve, gjobave, kërcënimeve ndaj opozitarëve.
Mos beni pis uniformën e Shtetit.
Kreu i sektit kriminal të Rilindjes dhe i organizatës mafioze të saj, është në grahmat e tij të fundit.
Ju i shërbeni Popullit, jo sektit kriminal që shpopulloi, varfëroi, kriminalizoi vendin.
Shqiptarët janë të duruar, por tani u ka ardhur aty ku nuk mbajnë dot më, ndaj dhe uragani popullor nuk ndalet dhe Demokracia do fitojë.
Referendumi më 25 Prill do triumfojë, për Shqipërinë dhe shqiptarët.
