Artan Kaboçi, 34 vjeç, u arrestua nga policia pasi ka qëlluar me armë zjarri dhe ka dëmtuar 3 automjete tëforcave të rendit. Ngjarja ka ndodhur mbrëmjen e sotme në Divjakë.
Nga raportimet mësohet se policia e Lushnjës kanë shkuar në banesën e Kaboçit në Mellhazan, pasi ishte raportuar për një problem.
Kur efektivët kanë mbërritur për të shoqëruar në komisariat këtë shtetas, Kaboçi ka hapur zjarr drejt policisë.
Fatmirësisht nga të shtënat nuk ka pasur të lënduar, ndërsa autori është larguar me shpejtësi. Ai është arrestuar disa minuta më pas nga uniformat blu, ndërsa raportohet edhe për 3 mjete të dëmtuara.
Njoftimi i policisë:
Divjakë/Informacion paraprak
Sot rreth orës 19:30, në Sallën Operative ka ardhur një njoftim se në fshatin Gradishtë, në banesën e shtetasit A. K., 34 vjeç, janë dëgjuar të shtëna me armë zjarri.
Menjëherë pas marrjes së njoftimit, kanë shkuar shërbimet e policisë të cilët kanë bërë rrethimin e banesës dhe vendosjen e perimetrit të sigurisë .
Shërbimet e Policisë i kanë bërë thirrje shtetasit A.K të hidhte armën por 34-vjeçari nuk i është bindur thirrjes së Policisë dhe në tentativë për tu larguar ka dëmtuar me sende të forta tre mjete të Policisë.
Shërbimet e Policisë kanë bërë të mundur neutralizimin dhe kapjen e tij.
Grupi hetimor po punon për zbardhjen e plotë të rrethanave të ngjarjes.
