Neymar do të mungojë edhe në ndeshjen e kthimit të 1/8 finale të Ligës së Kampionëve ndaj Barcelonës. PSG e konfirmoi këtë lajm, pasi vendosi të mos rrezikojë me gjendjen e 29-vjeçarit.
Braziliani nuk është rikuperuar plotësisht nga dëmtim i fundit, edhe pse u kthye në stërvitje me parizienët në fillim të kësaj jave. Neymar ka qenë jashtë fushave që kur mori një goditje në përplasjen e Kupës së Francës me Caen, më 10 shkurt.
Kjo do të jetë ndeshja e tij e 81-të e humbur për shkak lëndimi, që nga bashkimi me PSG, verën e vitit 2017, pasi braktisi katalanasit për shumën rekord botëror të 22 milionë eurove.
Takimi i parë i luajtur në “Camp Nou”, përfundoi 4-1 në favor të PSG-së.
