Partia Socialiste ka zyrtarizuar listën e kandidatëve për deputetë për zgjedhjet e 25 prillit, ndërsa shumë prej deputetëve aktualë të Rilindjes nuk janë rikandiduar.
Disa nga emrat që Edi Rama i nxorri jashtë listave kanë një lidhje të hershme me PS-në dhe të tjerë iu bashkangjitën kësaj partie pasi drejtimin e mori kreu aktual, i cili njëherazi mban edhe postin e Kryeministrit.
Musa Ulqini dhe Anastas Angjeli ndoshta nuk do e kishin menduar se do të përjashtoheshin nga lista e kandidatëve për deputet, ndërsa ishin pjesë e ekipit të Ramës. Të dy deputetët i shpëtuan më parë asaj që mund të cilvsohet si reformimi i PS nga Rama, apo Rilindja e kësaj partie, ndërsa shumë prej kolegëve të tyre, si Namik Dokle, Arta Dade, Arben Malaj, i ndjeri Marko Bello, e shumë të tjerë, u përzunë nga Partia Socialiste.
Po kështu “reformës” Rama nuk i shpëtuan as Ditmir Bushati, Alfred Peza, Eglantina Gjermeni, Vasilika Hysi apo Senida Mesi, të ofruar në rradhët e socialistëve nga vetë kreu aktual, bashkë me shumë nga ish-Mjaftistët apo G99, që sot kanë formësuar klanin më të madh në rradhët e socialistëve të Rilindur.
Por jo vetëm kaq! Rama ka vendosur në lista aspak të sigurta edhe Fatmir Xhafajn, Spartak Brahon, Pandeli Majkon apo Mimi Kodhelin,të cilët në jo pak raste kanë qenë ndër bashkëpunëtorët më të afërt të Kryeministrit që nga koha kur ishte në opozitë, në Bashkinë e Tiranës apo në përplasjet brenda vetë socialistëve.
Të gjithë emrat e larguar, apo ato që sot janë në fije të perit për shkak të pozicioneve në listat e kandidatëve, mund të konsideroheshin si pengesa e fundit që ish-Mjaftistët e konvertuar në G99 dhe më pas të katapultuar në krye të PS, mund të rrezikonin ambiciet e Erion Veliajt për të marrë drejtimin e kësaj partie, në një largim të mundshëm të Ramës, nëse humb zgjedhjet.
Nëse i hedh një sy listës që të larguarve apo rrezikuarve për të qenë pjesë e Parlamentit të ri, me përjashtim të Fatmir Xhafajt, që u afrua shumë me klanin e Veliajt, pas largimit si ministër i Brendshëm, të gjithë të tjerët nuk i përkasin këtij grupimi brenda Rilindjes.
Ata thjesht janë një formacion që mund të bënin një aleancë me këdo brenda PS që mund të rivalizonte Erjon Veliajn, sikundër kurrë nuk do të guxonin të dilnin kundër Ramës, me përjashtim të ndonjë debati momental, si ai më i fundit mes tij dhe Ditmir Bushatit.
Tashmë për nostalgjikët e vjetër të PS ka mbetur Gramoz Ruçi, i cili nuk është çudi të krahasohet me Haxhi Lleshin e PPSH, apo Erion Braçe.
Deputetët që ikin PS
Ditmir Bushati
Musa Ulqini
Senida Mesi
Almira Xhebulla
Musa Ulqini
Fate Velaj
Adnor Shameti
Eglantina Gjermeni
Vasilika Hysi
Rolant Xhelilaj
Arben Kamani
Anastas Angjeli
Anduel Xhindi
Artemisa Dralo
Adriana Jaku
Besnik Baraj
Sadi Vorpsi
Sadri Abazi
Elona Gjebrea
Vilma Bello
Edmond Leka
Musa Ulqini
Adelina Rista
Tatjana Piro
Xhevit Bushaj
Dritan Bici
Adriana Jaku
Luan Harusha
Ardit Konomi
Alket Hyseni
Deputetët që rrezikojnë
Fatmir Xhafaj i 23 në listën e Tiranës
Pandeli Majko i 19 në listën e Tiranës
Spartak Braho i 28 në listën e Tiranës
Mimi Kodheli e 21 në listën e Tiranës
Artemis Malo e 4-ta në listë e Gjirokastrës
Eljo Hysko i 32-ti në listën e Tiranës
