Federata Shqiptare e Futbollit ka përcaktuar datat dhe oraret e javës së 24-t të Superiores, ndeshjet e së cilës do të zhvillohen në dy ditë.
Të premten do të luhen dy takime në orën 13:00, Vllaznia – Bylis dhe Kukësi-Apolonia.
Sigurisht që duke iu referuar cilësisë së skuadrave dhe faktorit fushë si shkodranët ashtu edhe verilindorët janë të favorizuar.
Të shtunën, në orën 13:00, luhen dy takime, Tirana-Partizani dhe Skënderbeu – Laçi.
Vëmendja kryesore shkon për derbin e kryeqytetit, me bardheblutë që do të kërkojnë fitoren e parë sezonale ndaj të kuqve, për të ndezur shpresën për titullin, ndërsa skuadra e Ilir Dajës do të synojë 3 pikët për të vijuar ndjekjen e kreut.
Laçi, nga ana tjetër, është mysafir në Korçë, në një duel ku barazimi nuk është opsion për vetë objektivat e ndryshëm që kanë kurbinasit dhe bardhekuqtë.
Ky raund mbyllet me takimin e orës 16:00 (e shtunë), Teuta-Kastrioti.
Java 24
E premte, 12 mars
Ora 13:00
Vllaznia – Bylis
Kukësi – Apolonia
E shtunë, 13 mars
Ora: 13:00
Tirana – Partizani
Skënderbeu – Laçi
Ora 16:00
Teuta – Kastrioti
