Starti i pabesueshëm i karrierës, Haaland kalon Messin dhe Ronaldon

Vetëm dy minuta lojë dhe Erling Haland shënoi emrin e tij në tabelën elektronike në “Allianz Arena”.

Pas shtatë minutash dhe ishte sërish norvegjezi që mundi përsëri Manuel Neuer.

Askush nuk po u besonte syve, teksa 20-vjeçari po shkëlqente përballë rivalit të tij, Robert Lewandowski. Shifrat e Halandit flasin për një lojtar i cili ka bërë më mirë edhe se Lionel Mesi dhe Cristiano Ronaldo.

Bomberi i verdhezinjve, me dygolëshin në klasiken me Bayernin, ka arritur shifrën e 100 golave në 146 ndeshje si profesionist. Lionel Mesit iu deshën 210 ndeshje, ndërsa portugezit 301 ndeshje.

LEXO EDHE  Tirana e mbyll në epërsi të dyfishtë pjesën e parë ndaj Kastriotit

Kilien Mbape deshi 180 ndeshje për të shënuar 100 gola dhe Zlatan Ibrahimoviç 245. Për Borussaian, Haland shënoi golin e 45-të në 46 ndeshje zyrtare. Për Salzburgun, ai shënoi 29 gola në 27 takime dhe këtë ritëm ai vazhdoi ta ndiqte edhe në Dortmund.