Skema e milionave të oksigjenit/ Shefja e gruas së “Nikut” zvarrit tenderat e mëdhenj për procedura emergjence

Nga Boldnews.al

Një nga bizneset më fitimprurëse gjatë vitit të fundit është oksigjeni spitalor. Dy firmat qe operojnë në Shqipëri kanë bashkëpunuar me njëra tjetrën, duke rrjepur shtetin dhe familjet, të cilët detyrohen që të kurojnë të afërmit në kushte shtëpie.

BoldNews ka hulumtuar disa procedura të tenderave të kryer nga Ministria e Shëndetësisë, apo Drejtoritë e Spitaleve Universitare, Rajonale apo Lokale. Ajo që bie në sy është se, megjithëse Covidi ka mbërthyer vendin prej 1 viti, sërish zhvillohen tendera emergjence kryesisht për blerjen e oksigjenit spitalor. Përse shefja (Manastirliu) e gruas (Luneda Sufali) së Nikut (Besnik Halili, administrator i GTS) i vonon firmat për tenderat e mëdhenj?!

Natyrisht, favorizohet “Niku i Ndragetës”, apo Nikët e firmës tjetër! Skema është shumë e thjeshtë, kjo e bazuar në dokumentet e vetë ministrisë apo të spitaleve; vonohen në maksimum procedurat e tenderit kryësor dhe bëhen disa tendera emergjence. Dhe, për “koiçidencë?!”, ai që fiton tenderat emergjentë fiton edhe tenderin kryesor. Skemë e mirëfilltë që do e kishin zili edhe grupet apo familjet mafioze italiane, influenca apo njerëzit e së cilave kanë hedhur rrënjë prej kohësh në Shqipëri. Madje, në nivelet më të larta të vendimmarrjes së pushtetit qendror dhe lokal.

GTS, 200 mijë euro për 60 ditë në Durrës!

BoldNews ka hulumtuar prej disa muajsh procedurat tenderuese për blerjen e oksigjenit spitalor nga Ministria e Shëndetësisë, QSUT, Spitali Ushtarak, Shefqet Ndroqi apo nga spitalet rajonalë dhe lokalë. Ajo që bie në sy është se në këto tendera merr pjesë vetëm 1 kompani, ose GTS-ja e Nikut të Ndragetës ose Messer Albgaz. Në asnjë tender nuk ka pasur konkurencë, duke hedhur hije të forta dyshimi se gjithçka ka qenë e paracaktuar. Disa ditë më parë, GTS është shpallur fituese e një tenderi për blerjen oksigjenit nga Spitali i Durrësit. Procedura e ndjekur është me negocim pa shpallje paraprake të njoftimit të kontratës, ndërsa objekti është “blerje oksigjen lëng për spitalin Rajonal Durrës me afat 60 ditë”. Në “garë” mori pjesë vetëm GTS-ja e cila edhe u shpall fituese, pasi kërkoi 21.676.800 lekë. Shërbimi kërkohej brenda 24 orëve. Por, ajo që ngre dyshime është pikërisht emergjenca e bërjes së këtij tenderi.

LEXO EDHE  Parashikimi, ja si do të jetë moti për ditën e enjte

GTS, fituese edhe e tenderit kryesor?

Në tenderin e emergjencës, Spitali i Durrësit kërkon oksigjen për përiudhën 60 ditore, përkatësisht 160.000 litra. Afatet e lëvrimit është për një periudhë 60 ditore me kusht ndërprerjen e menjëhershme të furnizimit me qëllim lidhjen e kontratës bazë të procedurës standarde të prokurimit. Në fakt, prej kohësh, Spitali i Durrësit ka hapur tenderin blerje oksigjen ndarë në dy lote me afat 12 mujor. Fondi limit është 130.392.576 lekë. Por, nisur nga precedentët e mëparshëm në QSUT, edhe në Spitalin e Durrësit pritet që këtë procedurë ta fitojë GTS-ja. Në fakt, para pak javësh “Niku” i Luneda Sufalit fillimisht fitoi tenderin e emergjencës në QSUT me vlerë 1.5 miliardë lekë. Ndërkohë, disa ditë më vonë, ai fitoi edhe tenderin kryesor, atë prej 9 miliardësh. Por, a do të përsëritet e njëjta skemë edhe në Durrës?! Skema është identike, e orkestruar nga Ministria e Shëndetësisë.